كان عمري وقتها سبع سنوات ... دخلت المدرسة في نهاية الفصل الدرااسي لأستلم الشهادة ..
.. قال لي الاستاذ : مبروك .. انت الأول !
فرحت كثير ... رحت للبيت اجري .. عشان اهلي يشووفون الشهاادة ..
وصلت الحارة .. قابلني جدي .. قال لي .. بشر .. ان شااء الله نااجح !
قلت له : جبت الأول ! .... اخذ شهادتي .. بعدين تفاجئ
قال يا ولد .. هذي مهي شهادتك ... استغربت وخفت ... قال هذي شهادة خـالـد الـ .........
هياا ارجع للمدرسة وخذ شهادتك ..
رجعت للمدرسة واخذت شهادتي ... وكنت الأول كمان ... كان مجموعي انا وخـالـد متساوي !
زادت علاقتي مع خـالـد مع مرور الوقت .. وكنا نجلس جنب بعض ..... كان في شي يشدني له .... بس ماكنت اعرف اش هوا
**في يوم من الايام .. اخذت رقمو ... وبعد ما انصرفت من المدرسة .. وبعد ماشفت افلام الكرتون .. اخذت التلفون وقلت اتصل ..
رد عليا ..... ماعرفت ايش اقول له .... جلست سااكت ومرتبك .. السلام عليكوم .. كيفك ..... وصمت طويل ....
**ماتمر عليا صغيرة ولا كبيرة ... الا اجي اقولها له
مرة من المرات والطلاب يتفسحون ... ما نزلنا ..... قلت له هيا نتضااارب ههههههه تضاربنا ..... وبعدين قمنا ولا كأن شي صار
**يعجبني في خـالـد الجنان .... فيه شجاعة وقوة .. اكثر مني .. كان اهيم .. وما زال .. ( لكن حاليا احسو يخجل اذا شافني .. او يستحي ..)
اندهش يوم اشوفو ينقز فوق الماصاات ... ويوم يكسر المرسمة بين اصابيعو ...
دايم يخلي حذياانو !! عند ماصتو .... ويمشي حاافي ...... نفس ولد اختو الصغير اللي ذحين يدرس في الابتدائية قابلتو يوم رحت اسجل اخوية في المدرسة ""
..............
راحت سنين وجات سنين .....
دخلنا المتوسط ..
كبرت ... ودخلت المراهقة .. كنت احلم ... اني صرت كبير ... وبتكون عندي سيارة .... ومين يركب معايا ...... ؟؟
خـالـد مافي غيروو ...
.......................... فاااصل ونواااصل .....................
المشكلة يوم تكون علاقتك مع احد .... علاقة خاااصة جدا جدا ........ لكن بعد ما يمر الوقت ..... يحصل جفا ... مني او من الشخص
ترجع ... عشان تشرح اللي تحس فيه ..... لكن انتا في وادي وانا في وادي .... وزي ماقال : هذي الدنيا ....
.............................. نواااصل ............
انا تغيرت في المتووسط .... غصبن عني ........ والاسبااب .... الدنيا ( الدونيا )
كنت اجي احكي لـ خـالـد كل شي يصير معايا ...... الا الأشياء اللي استحي منها .... ما بيننا شي نستحي منو ... لكن في اشيااء ما احب احد يعرفها ........ هههههههه (( ريّحنا ))
**انا اتذكر ........ ذكريااتي ..... وياالتني اقدر انسى ...... وبيجي يووم وانسى ..... او اتنااسى .. واتذكر الوهم ... او هو ينسى ... (( جبت هرجة ))
........................................
وافترقنا ...
لكن حتى بعد الجفا اللي انا السبب فيه ...
كنت افرح يوم يوجه خـالـد لي الكلام ..
مثلن يقووم ويرسم رسمة ع السبورة ... ويقول هذا فلان ... ويقصدني انا ....
اللي في الفصل يضحكون ... واتذكر ضحكت بعضهم ... ليش .. عشان حنا متزاعلين وهو يحشني ... على باالهم ان الشي اللي سواه يزعلني ......... مادرو ان قلبي يدق ..... واني ........ الخ
.......يوم اجي اتذكر ايش قدمت لـ خـالـد .... ما القى شي يستحق الذكر .... كنت مقصر كثير معااه
لكن اتذكر موقف - مايستحق الذكر لكن شي من الذكريات - كان يجلس على يساري في سنة من سنوات الدراسة ..
اللي اتذكرها وكأنها امس ...
دخل استاذ اللغة العربية ... وكان معصب وقاافلة معااه .... وفراسو شر يبى يطلعو في اي احد ..
قال طلعوا كتبكم ... واللي ما جاب كتاابو يوقف ويطلع عند السبورة ..
الحمدلله ذاك اليوم جبت الكتاااب ...
خـالـد دوور في ماصتوو مالقي كتابو .... نسيه .. ( الاستاد عمره ماطلب الكتاب .. )
وقف ..... سألتو اشبك ... ماجبت كتابك ... قال نسيتو ..
قلت اجل اجلس .. وخذ كتابي ... رفض لكن انا لحّيت عليه ..
اخذ كتابي ... ورحت انا وقفت عند السبوورة ...
واكلت لي ذاك اليوم علقة محترمة من بااكور طولو مترين ...
..........
خـالـد قدم لي الكثير ... واقل شي سواه لي ... اني كنت اتكلم وهو يسمعني ... كنت احس ان ذا شي عادي ...
لكن اكتشفت ان اغلب الناس ... تبى تتكلم بس ... وما تحب تسمع ....
تخيل بس .. تروح مع احد مشواار اكثر من 4 ساعات ... ما تتكلم فيها الا أقل من ساعة ... والباقي لخويك ... اللي يقعد يقول قصة حيااتو واحلاامووو ....... واغلب اللي اعرفهم كذا " والمشكلة يقولون اسرار واشياء غريبة !!"
الله يرحم اياام اول
من جد محد يحس بالنعمة الا اذا فقدها !
...... .........
بعد ما تخرجت من الثانوية رحت لبيته
اعتذرت له ..... ما قدرت اقول له اي شي .... خوف وارتبااك وكهربااااااا
واختفيت ..... سمعت انو ساافر .... فرحت وحزنت
حزنت بسبب اني ضيعت سنين ... بدونو
وفرحت عشان هو اكيد فرح يوم ساافر
........
اخذت ايميله امس
كلمتو اليوم قبل كم سااعه ...... تكلمنا كثير ...
سألتو عن سبب الفراق ..... وطلع مايعرفو .... مادرى ان السبب اللي فرقنا هوا نفسو اللي جمعنا من قبل ... واللي خلاني احن لو ذحين
.......
خـالـد .......... انت كل ذكرياااتي ........ اتمنى اني اكون ولو جزء بسيط من ذكرياااتك .
واللي بيننا كان من قزاز **
والقزااز ما ينجبر .....
وسلااام عليك يااا خـالـد
ـــــــــــــــــــــــــــــــــــــــــــــ
* الصورة : تعبر عن المفهوم : والا شكلي وشكل خالد غير عن كذا كثير هههههه !
** قزاز يعني زوجاج او زجاج .. الشي اللي يصنعون به قوارير الكوكاكولا !
هناك 9 تعليقات:
شيء رائع ان نحتفض بذكريات أصدقاء الطفولة ..لكن الأجمل ان تضل تلك الذكريات معنا و جزء من حاضرنا.. تحفزنا لنواصل التقدم، لا نبغي عنها بدلا
وأنت من هذه القلة التي تحاول الحفاض على شعيرة معاوية ، إذ من خلال هذه اللمحة عن طفولتك نشتم عبق الصداقة الحقيقية التي تحاول ان تحييها بعد أن أخذت منك كلك ..لتصبح كل ضائع يبحث عن كل مفقود.
فشكرا لك لتقاسمك معنا جزء من ذكرياتك ، و نتشوق لجديدك
و السلام
جميلة هي الذكريات وان كان بعضها يسبب الما لكن بالمها وماشكلها فهي مورث رائع
اجتهد احيانا بتذكر الذكرايات الجميلة وفي نفس الوقت احن لبعض الذكرايات المؤلمة لا لاشئ حتى اقارنها بما وصلت له
فاجعل ذكراياتك حافزا لك لتدفعك للتطور والبحث عن الجديد
دمت بود
مرحبا الياس ابو علي
شرفني مرورك على الموضوع
ما اقدر اسمي تلكـ العلاقة بالصداقة الحقيقية
هي ذكريات فقط
ذكريات طفولة
في عصر البراءة وماقبل معرفة الحياة
وانا اشكر لك مرورك وتشرفنا
وعليكم السلام
اهلا اهلا " عزيز - غريب - "
لا اجمل من الذكريات
خاصة ذكريات الطفولة
حياتنا كلها ذكريات
ونحن الان نصنع ذكريات السنوات القادمة
سيأتي يوم اتذكر فيه بحنين ما اقوم به الان ( كتابة مدونة )
وسيأتي يوم اتذكر واحن الى الرجوع الى سن الواحد والعشرين التي اعيش فيها
اتمنى ان ننظر للمستقبل كما ننظر للماضي
اي نصنع ذكريات لنا تدفعنا لعمل المزيد .. في مستقبلنا
شكرا لك ودام الود
حلوووه ذكريااتك مع خالد والاحلى انك للحين محتفظ فيهاا
مع اني استغرربت كنت حااطه في بالي ان الاولاد غير عننا ماعندهم صداااقات داايمه اوو يمكن عندهم بس نادرا احسهم كل فترة يغيررون طبعاا هالشي اشووفه في مجتمعناا وكان بس واحد من اخواني هو الوحيد اللي محتفظ بصداقته من الطفووله وكنت اعتبرره شااذ عن الشباب اللي حواليه >،<
باختصار غيرت فكرتي
صبااح الخير " foOfh "
المدونة نورت بطلتكـ البهية
انا أأكد لك .. اننا كل فترة وفترة نغير اصحابنا
انا عن نفسي : مالي اصحاب كثير .. شوية منعزل
لكن اشوف بعضهم اللي كانوا زملائي في يوم من الايام وكنا نجلس سوا مع بعض
بعد ما تغلق السنة ونفترق كل واحد في مكان
اذا تقابلنا .. كأننا ناس عاديين
اظن اننا ننسى
فيه صحبة الدكة والمركاز و صحبة الاستراحة وووو الخ
هذا مو يعني اننا ما نعرف الصداقة
فيه بس انا اشوفها قليل
** انا اتكلم عن نفسي وعن مجتمعي بس
يعني ما اعمم
واخووكـ محظوظ جدا بصديقه
وانا محتفظ بالذكريات لكن فاقد لصاحب الذكريات
..
اتمنى انكـ تشرفينا دايم بزيارتكـ وردودكـ
**
تحياتي لكـ
صدقنـي لازال عندك روح الوفـآء
ولقيت فيك الخير الكثير
متمسك بذكراكم وماجحدت صداقتكم
غيرك تمر عليه الايام وتنسيه اقرب الناس له
وصدقني جفا يحمل مودهـ
ولاتواصل يذل اثنين :)
والله يعطيك على قد نيتك الطيبه
الذكرى شي ماضي ..
و الماضي شي جميل ..
فتذكرها بقلب راضي ..
فالرضى طبع الأصيل
والله جد مشكور على البوست
عارف كلامي مايوفيك حقك
بس السموحه يالغالي
هدا اللي قدرت اقول ..
وسامحنى ادا قصرت .
هلا هلا بيبو
وصباحكـ سكر
مامنكـ قصور ..
والمدونة تنحني لكـ احتراما ..
وشكرا على كلماتكـ اللي زي العسل
^_^
إرسال تعليق